Therapïau siarad
Talking Therapies
Mae therapi siarad yn fath o driniaeth sy’n cynnwys siarad gydag arbenigwr proffesiynol am eich meddyliau, eich teimladau a’ch ymddygiadau.
Nod triniaethau siarad yw:
- Rhoi gofod ac amser diogel i chi i siarad gyda rhywun na fydd yn eich beirniadu
- Eich helpu i wneud synnwyr o bethau ac i ddeall eich hun yn well
- Eich helpu i ddatrys teimladau cymhleth, neu ganfod ffyrdd i fyw gyda nhw
- Eich helpu i adnabod patrymau di-fudd yn y ffordd ‘rydych chi’n ymddwyn, a chanfod ffyrdd i’w newid (os ydych chi eisiau)
Sut gall triniaethau siarad fy helpu?
Gall triniaethau siarad eich helpu i ymdopi gyda:
- Phrofiadau bywyd anodd neu drawmatig
- Problemau perthnasol
- Emosiynau anodd, megis galar, euogrwydd, tristwch, dryswch, dicter a diffyg hunan-werth
- Iselder a gorbryder
- Problemau iechyd meddwl eraill
- Problemau iechyd corfforol hirdymor
Sut gallaf gael mynediad at driniaethau siarad?
- Y GIG, drwy eich meddyg teulu
- Elusennau a mudiadau trydydd sector. Gweler ein tudalen cymorth am ragor o wybodaeth.
- Yn eich gweithle neu sefydliad addysgol
- Yn breifat
Pa fath o driniaethau siarad sydd ar gael?
Cwnsela
Math o therapi yw cwnsela sy’n eich annog chi i siarad am eich problemau a’ch teimladau yn gyfrinachol. Bydd cwnsler hyfforddedig yn gwrando arnoch chi ac yn eich helpu i ddelio ag unrhyw feddyliau a theimladau negyddol sydd gennych chi drwy eich annog i siarad am yr hyn sy’n eich poeni a dod â’ch teimladau i’r wyneb.
Mewn sesiynau cwnsela gall therapydd eich helpu i ganfod ffyrdd i ymdopi â phroblemau emosiynol a’ch helpu i ddeall sut ‘rydych chi’n teimlo.