Dynion

Gall problemau iechyd meddwl effeithio ar unrhyw un ond gall stigma wneud dynion yn bryderus i fod yn agored am eu profiadau a gofyn am gymorth.

Mae iechyd meddwl ymysg dynion yn parhau i fod yn bwnc tabŵ, gyda llawer o ddynion yn dioddef mewn distawrwydd pan fyddant yn profi teimladau o iselder, tristwch, unigrwydd neu bryder.

Mae’r rôlau rhywedd cymdeithasol yn cymhlethu’r mater ymhellach gan fod llawer o ddynion yn teimlo nad ydyn nhw’n “ddyn” os ydyn nhw’n dangos unrhyw arwydd o wendid. Efallai y bydd rhai dynion yn methu cydnabod arwyddion o broblemau iechyd meddwl ac yn anfodlon neu’n methu â cheisio cymorth.

Mae’n bwysig adnabod yr arwyddion megis cymryd risg, dibyniaeth, colli brwdfrydedd a newidiadau mewn diet neu drefn ac annog ein gilydd i siarad am sut rydyn ni’n teimlo – does dim cywilydd mewn teimlo’n isel, yn bryderus neu ar goll; mae pawb yn profi’r emosiynau hyn.