Samariaid yn cael 9,000 o alwadau dros y Nadolig : BBC Cymru Fyw
Y llynedd fe gafodd y Samariaid – sydd ben arall y ffôn 24 awr o bob dydd – 9,000 o alwadau yng Nghymru adeg y Nadolig.
Dywedodd llefarydd bod cyfnod Nadolig yn hynod o brysur i’r elusen:
“Ar Noswyl Nadolig 2018 roedd bron 1,650 o wirfoddolwyr y Samariaid yn dechrau ar eu gwaith yn ein canghennau ar draws y Deyrnas Unedig a Gweriniaeth Iwerddon.
Y diwrnod wedyn, aeth mwy na 1,475 o wirfoddolwyr y Samariaid i’r canghennau ac ymateb i filoedd o alwadau yn gofyn am help gan bobl a deimlai wedi’u gorlethu ar 25 Rhagfyr.”
Mae’r elusen yn gofyn i bobl ledled Cymru i helpu’r Samariaid i fod yno o hyd i’r rhai sydd angen cymorth emosiynol.
Gall unrhyw un gysylltu â’r Samariaid am ddim unrhyw bryd o unrhyw ffôn, hyd yn oed ffôn symudol heb gredyd.
- Y llinell Saesneg – 116 123 (24/7)
- Y llinell Gymraeg – 0808 164 0123 (gweler oriau agor y llinell Gymraeg)