Mamau newydd yn cefnogi ei gilydd : BBC Cymru Fyw
Mae criw o famau ym Mhowys wedi sefydlu grŵp er mwyn cefnogi ei gilydd i ddygymod â phroblemau iechyd meddwl sydd gan rai yn sgil genedigaeth.
Mae’r grŵp Mums Matter ar y cyd ag elusen Mind Cymru yn annog mamau i drafod materion fel hunanhyder yn ogystal â rhai o’r rhagdybiaethau ynglŷn â mamolaeth o gymharu â’r realiti.
Mae unigrwydd mewn mamolaeth yn thema gyson ymhlith y rhieni, sydd, o bosib, yn cael ei waethygu oherwydd eu bod yn byw mewn ardal wledig.
Nododd adroddiad ar iechyd meddwl sy’n gysylltiedig â mamolaeth yng Nghymru mai Powys oedd yr unig un o’r saith bwrdd iechyd yng Cymru heb wasanaeth iechyd meddwl i famau newydd.