Pobl Hŷn

Mae mynd yn hŷn ac ymddeol yn golygu llawer o newid o ran dull byw i’r rhan fwyaf o bobl.

Mae rheoli problemau, anawsterau a phryderon yn dod yn haws os byddwn yn siarad amdanynt. Mae’n ffordd dda o roi trefn ar ein meddyliau a gwneud synnwyr o sefyllfa neu o sut rydym yn teimlo. Gall wneud i ni deimlo fel ein bod yn cael ein cefnogi ac nad ydym ar ein pennau ein hunain.

Mae rhannu bwyd neu ddiod yn ddigwyddiad cymdeithasol pleserus. Dylech sicrhau ei fod yn rheswm i gwrdd a ffrindiau, hyd yn oed os mai dim ond mater o gael paned yn y caffi lleol ydyw. Gall fod yn anodd bwyta’n iawn pan fyddwch yn ymdopi a phrofedigaeth, yn enwedig os nad ydych yn gyfarwydd a choginio ar gyfer un person neu a pharatoi prydau bwyd o gwbl. Yn ystod y cyfnod hwn, mae’n bosibl y bydd eich emosiynau’n cael effaith ar eich chwant am fwyd. Derbyniwch gynigion gan ffrindiau a theulu i fwyta gyda nhw. Edrychwch i weld a oes unrhyw glybiau amser cinio sy’n rhedeg yn eich ardal, efallai fel rhan o grŵp darllen neu grwpiau diddordeb eraill.

Mae gwneud y pethau rydym yn eu mwynhau yn peri i ni deimlo’n dda amdanom ni ein hunain; ac at hynny, mae’n gallu cadw ein meddwl a’n corff yn weithgar. Beth bynnag byddwn yn galw arnynt, gall diddordebau, hobiau a difyrion roi cyfle i gymdeithasu, neu i neilltuo amser i ni ein hunain.

Er ei bod yn bosibl y bydd pobl eraill yn meddwl bod bywyd wedi ymddeol neu wedi lled ymddeol yn wyliau parhaol, mae’r gwirionedd yn wahanol. Mae pethau y mae angen eu gwneud o hyd, megis glanhau, trwsio’r car, gwaith papur yn ymwneud ag arian a siopa. Hefyd, mae’n bosibl y bydd gennym gyfrifoldebau newydd er enghraifft bod yn ofalwr.