Brwydro anorecsia

_98280998_charlotte1Mae bywyd yn frwydr i un fyfyrwraig o Gaerfyrddin, a hynny ers iddi ddioddef o afiechyd bwyta am flynyddoedd.

Er bod Charlotte May bellach ar y llwybr at wellhad, a’i phwysau hi mewn man diogel, dyw bywyd ddim yn fêl i gyd.

“Dwi’n teimlo fel person drwg, ac nad ydw i’n haeddu dim byd mewn bywyd,” meddai’r ferch 26 oed, sydd wedi bod yn sâl ers oedd hi’n 11 oed.

“Dwi’n brwydro bob dydd, ond dydy pobl ddim yn ystyried hynna o gwbl.

“Mae wedi bod yn ofnadwy, ac ar un pwynt, ro’n i’n meddwl y byddai fy nghalon yn stopio, ond ro’n i mor sâl, ro’n i tu hwnt i boeni am y peth.”

“Dyw pethau ddim yn hawdd o bell ffordd – does dim pwynt i mi wadu. Mae dyddiau anodd iawn, gyda fy mhen i’n dweud wrtha i i gymryd camau yn ôl bob dydd. Ond mae’r risg o golli popeth – bywyd prifysgol, bywyd yn gyffredinol, fy nghar a phob math o bethau. Dyw e jyst ddim werth e.”

Darllen rhagor : BBC Cymru Fyw

Rhannu

Anorecsia: ‘To The Bone’ a’r gwir y tu hwnt i’r sgrîn 

to-the-bone-620x412
Llun o’r ffilm ‘To the Bone’

Ar ôl dioddef ag anorecsia am dros ddegawd, gallech chi ddweud fy mod i’n arbenigwraig wrth drafod anhwylderau bwyta. Dwi wedi dioddef â dau math o anhwylder bwyta dros y blynyddoedd: anorecsia a bwlimia.

Dwi’n 25 oed bellach ac wedi gwella cymaint. Dwi yn y categori BMI iach ac mae fy arferion bwyta yn normal, ond mae’r portread o anhwylderau bwyta yn y cyfryngau ac ati yn parhau i achosi trafferth i mi.

Dwi am drafod y ffilm newydd ‘To The Bone’ ar Netflix, a’r effaith niweidiol y gallai gael ar ddioddefwyr. Dwi’n gobeithio y bydd hyn yn helpu’r rhai hynny sy’n dioddef i wneud penderfyniad gwybodus ynghylch p’un ai i wylio’r ffilm neu beidio, ac yn bennaf dwi am i’r bobl sy’n creu’r math hwn o gynnwys i wneud hynny’n gyfrifol gan ystyried y rhai hynny sy’n dioddef yn eu bywyd go iawn.

Parhau i ddarllen

Rhannu

£½m i wella’r gofal i bobol ifanc ag anhwylderau bwyta : Golwg360

doctor1Fe fydd Llywodraeth Cymru yn buddsoddi £500,000 ychwanegol y flwyddyn i wella’r gofal y mae pobol ifanc ag anhwylderau bwyta yn ei dderbyn wrth droi’n 18 oed.

Nod yr arian yw cynorthwyo pobol ifanc a’u teuluoedd wrth drosglwyddo o ofal Gwasanaethau Iechyd Meddwl Plant a’r Glasoed (CAMHS) i Wasanaethau Oedolion ar gyfer trin anhwylderau bwyta.

Bydd y cyllid yn ei gwneud yn bosib recriwtio staff arbenigol newydd, yn cefnogi gwell hyfforddiant i staff presennol, ac yn cynorthwyo sefydlu amryw o raglenni therapi.

Mae Llywodraeth Cymru eisoes yn buddsoddi £1.25m y flwyddyn mewn gwasanaethau trin anhwylderau bwyta ehangach i blant ac oedolion ledled Cymru.

Darllen rhagor : Golwg360

Rhannu

Nigel Owens: Bulimia a fi : BBC Cymru Fyw

nigelowens2
Nigel Owens – Llun o wefan BBC Cymru Fyw

Mae e’n un o ddyfarnwyr gorau’r byd ond mae Nigel Owens wedi rhoi ei iechyd mewn perygl i gyrraedd uchelfannau’r gamp.

Mae’r gŵr o Fynydd Cerrig wedi cydnabod bod ganddo broblemau gyda bulimia pan oedd yn ddyn ifanc. Ond am y tro cyntaf mae’n datgelu bod ei frwydr gyda’r anhwylder bwyta yn parhau wrth iddo geisio cyrraedd y safonau ffitrwydd angenrheidiol fel dyfarnwr rygbi proffesiynol.

Wrth weithio ar raglen Nigel Owens: Bulimia and Me, BBC One Wales (23 Gorffennaf, 20:30) daeth i ddeall faint y mae pobl eraill yn ei ddiodde’ a sylweddoli bod angen help meddygol arno ef ei hun.

Darllenwch mwy:

 

Rhannu

Trin plant mor ifanc â 4 oed am anhwylderau bwyta : BBC Cymru Fyw

bwyta1Fe gafodd plant mor ifanc â phedair oed eu cyfeirio at wasanaethau iechyd ar gyfer anhwylderau bwyta yng Nghymru y llynedd, yn ôl ffigyrau.

Defnyddiodd o leiaf un ferch bedair oed a bachgen bump oed wasanaethau iechyd meddwl yn y de yn 2015/16.

Mae elusen Beat yn dweud bod anhwylderau bwyta yn gallu effeithio ar “unrhyw un, dim ots am oed”.

Mae ffigyrau gan Fwrdd Iechyd Cwm Taf – sy’n cynnal gwasanaethau iechyd meddwl i blant a phobl ifanc (CAMHS) ar draws y de – yn dangos bod nifer y cleifion dan 18 sydd ag anhwylderau bwyta wedi cynyddu o 43 i 236 yn yr ardal. Mae’r ffigyrau hefyd yn dangos bod plant rhwng 4 a 9 oed wedi mynd i ganolfannau ar gyfer anhwylderau bwyta. Nid yw’n glir faint gafodd ddiagnosis wedi hynny.

Darllen rhagor : BBC Cymru Fyw

Rhannu

3 o bob 10 person ag anhwylder bwyta ddim yn cael eu hatgyfeirio i dderbyn triniaeth : Iechyd Meddwl Cymru

beatMae ymchwil newydd yn awgrymu nad yw tri o bob deg person ag anhwylderau bwyta  yn cael eu hatgyfeirio  gan eu Meddygon Teulu at wasanaeth er mwyn derbyn triniaeth, a hynny er bod canllawiau meddygol yn pwysleisio’r angen am atgyfeirio pobl ar frys.

Tra bod hanner o’r bobl hynny ag anhwylder bwyta wedi derbyn gofal ‘da neu da iawn’ gan eu Meddygon Teulu, mae hanner yn credu fod y gwasanaeth a dderbyniwyd yn druenus neu’n druenus iawn, a hynny yn ôl arolwg o bron i 1,700 o bobl.

Mae Beat, sef elusen anhwylder bwyta y DU sydd wedi cynnal yr ymchwil, yn galw am fwy o hyfforddiant i fyfyrwyr meddygol sydd yn arbenigo mewn practis cyffredinol fel bod yr holl Feddygon Teulu yn medru cynnig diagnosis i symptomau seicolegol ac ymddygiadol o anhwylderau bwyta fel bod modd atgyfeirio yn syth.

Darllen rhagor: Iechyd Meddwl Cymru

Rhannu

Merch o Rhuthun yn helpu eraill i ddelio â salwch meddwl : BBC

_89367543_angharadmayMae merch o Rhuthun sy’n diodde’ o broblemau iechyd meddwl wedi dechrau ymgyrch i geisio helpu eraill i ddelio â’u salwch.

Mae salwch meddwl wedi effeithio ar Angharad May, 26 oed, ers pan oedd hi’n blentyn, ac mae’n diodde’ o sgitsoffrenia ac anorecsia.

Mwy: bbc.co.uk/cymrufyw/

Rhannu